Day three

Blessar.

Ég hef flutt að heiman.

Já ég er búin að eignast nýtt heimili. Undanfarið hef ég búið í skólanum mínum, borðað þar, sofið, lært og hlustað á tónlist. Ég er þar allar stundir núna (nema kannski akkurat í augnablikinu þar sem að ég er að bíða eftir bílnum svo ég geti keyrt uppí skóla). Endalausum lokaverkefnum, verkefnum sem maður hafði ekki hugmynd um, hefur verið hrúaað á mann og ég sé engann kost í stöðunni nema að húka þar þar til lokar á kvöldin. Eina ástæðan fyrir því að ég fór úr skólanum í dag var sú að ég þurfti nauðsynlega að mæta í hinn skólann, tónskólann.

En við Hildur drifum okkur á tónleika á þriðjudaginn og þrátt fyrir að segjast aldrei aftur ætla að keyra keyrði ég þangað. Tónleikarnir fóru fram á Organ og voru þetta útgáfutónleikar Rökkurró. Þau voru að gefa út sinn fyrsta disk sem ber nafnið Það kólnar í kvöld... og er hann bara ansi góður. Ég keypti mér eitt stykki og sé ekki eftir því!

Lag dagsins:
Allt gullið - Rökkurró
























Takk í dag,
Björk.

Oh boy, oh boy...

Sælt.

Hildur telur sig vera búin að rústa mér í nethripi í mánuðinum, þannig að það er eins gott að fara að taka sig á...

Undanfarið hef ég verið mjög upptekin við að

• ganga á hluti.
• bakka á steina.
• vinna eins og brjálæðingur.
• hanga í skólanum til lokunar þ.e. 22:00.
• fara á tónleika.
• gefa vitleysingum ábót á tómatsósu.
• leyta að kortunum mínum.
• horfa á Benny Hinn.
• drekka kaffi.
• borða sítrónur.

Það er afsökunin fyrir því að skrifa ekkert.

Annars getur ástæðan líka verið sú að ég hef ekkert að segja, eða þaða að ég gleymi því sem ég hef raunverulega að segja.

Í gær tókst mér að bakka á furðulegan stein sem stendur á miðju bílaplaninu hjá Hildi. Bíllinn lyftist alveg uppá steininn og steinninn færðist með. Ég þorði ekki að keyra bílinn af steininum þannig að Jósteinn (pabbi Hildar) fékk það hlutverk. Ég bakkaði það beint á steininn að það kom aðeins lítil rispa á númeraplötuna. Rosaleg er ég góð í að bakka á!

Nú ligg/sit ég veik heima og ætlaði að vera mjög dugleg að klára að lesa Harry Potter. Ég áttaði mig ekki á því fyrr en eftir nokkra kunnulega kafla að ég var búin með bók númer 5! Ég hef ekki hugmynd um hvað varð um bók númer 6 og þess vegna auglýsi ég hér með eftir henni.

Ég hef núna fáa ef ekki bara enga geisladiska heima þar sem að ég tók uppá því að lána Guðrúnu Selmu flesta og fór svo með restina útí bíl... Guðrún Selma er nefnilega að reyna að breyta um stíl og er farin að hlusta á tónlist. Þessvegna ætla ég að verða virk á næstunni í að finna tónleika til að draga hana með mér á.
Ég keypti mér geisladisk, sem nefnist The Eraser, með Thom Yorke um daginn en hann er því miður út í bíl. Þessi diskur er samt sem áður mjög góður og ég hvet ykkur til að hlusta á hann.

Lag dagsins:
Harrowdown Hill - Thom Yorke

Takk í dag.
-Björk.

Airwaves

Sælt veri fólkið.

Nú er hátíðin Airwaves, sem er tær snilld búin. Ég viðurkenni það að ég er mjög þreytt og hefði líklegast ekki enst í mikið fleiri daga. En þessir 5 dagar voru alveg magnaðir. Ég skal reyna að fara í gegnum það sem við náðum að sjá í stuttu máli.

Dagur 2:

Ég held sveimér þá að við höfum bara séð tvær hljómsveitir þetta kvöldið. Þetta rennur allt saman í eitt. Allavega, við fórumá Listasafn Reykjavíkur og sáum Lay Low sem var alveg fínt. Mér finnst lögin hennar reyndar öll mjög svipuð og mér finnst það ekki alveghalda dampi allan tímann, en hún átti sínar góðu stundir í tónleikunum.
Síðan sáum við Bandarísku hljómsveitina Grizzly Bear og þeir voru alveg brjálaðslega góðir. ég hafði bara aldrei heyrt um þessa hljómsveit áður, en við ákváðum að fara afþví að Gunnhildur sagði að þeir væru góðir. Hún hafði rétt fyrir sér! Eftir tónleikana spjölluðum við svo eitthvað smá við bassaleikarann sem virtist mjög skemmtilegur, en við ákváðum að flýja áður en Gunnhildur færi að segja eitthvað vandræðalegt.

Dagur 3:

Við Hanna og Soffía skelltum okkur á Bloc Party tónleikana í Flensborg svo við myndum ná að sjá !!! daginn eftir. Mér leið eins og 13 ára á grunnskólaballi þarna, réttast sagt. Þegar við komum inn þurftum við að blása í áfengismæla og láta merkja við okkur, og svo var verið að selja pizzusneiðar og kók í anddyrinu. En tónleikarnir fóru vel þrátt fyrir það. Við ákváðum bara að halda okkur aftast, frá þvögunni sem myndaðist þarna fremst. Bloc Party stóðu sig vel, en ég hef samt grun um að tónleikarnir þeirra á Laugardaginn hafi verið betri. Eftir Bloc Party brunuðum við úr Hafnafirðinum, skiluðum Soffíu í Grafarvoginn og stefndum beint á Listasafnið. Þar fengum við að dúsa í smá tíma í röð, en horfðum svo á Múm, sem voru alveg ágæt en ég held maður verði að fá að venjast lögunum þeirra...þetta voru allt lög af nýju plötunni. of Montreal stigu næst á svið og þau voru rosa góð. Algjör snilld. Þeir voru með rosa "show" og svo eru lögin þeirra tær snilli. Næst tókum við stefnuna á Nasa og sáum þar Ghostdigital og Hairdoctor. Þetta eru báðar mjög góðar hljómsveitir til að dansa við, enda voru dassporin ekki spöruð. Þegar ég kom heim var ég vel fiðruð eftir koddaslaginn sem Hairdoctor félagar (+einhverjar stelpur) tóku uppá!

Dagur 4:

Komum rétt um hálf níu á Gaukinn og rétt misstum af Bertel. Sáum hinsvegar einhverja rappara sem komu í staðinn fyrir The Musik Zoo. Á eftir þeim komu strákarnir í Ultra Mega Techno Bandinu Stefáni og þeir héldu gýfulegri stemningu uppi, eins og alltaf, og troðfylltu staðinn. Siggi var náttúrulega með svaka "show" og kastaði sér í þvöguna nokkuð oft´, ásamt því að klifra í loftinu, blása sápukúlur, hoppa á bassatrommunni o.fl. Ég held að aðrir hljómsveitarfélagar hafi ekki verið neitt sáttir með lætin, en engu að síðuar stóðu þeir sig allir vel.
Á eftir þeim komu Steed Lord, sem stóðu sig mjög vel. Við sáum reyndar bara svona 4 lög með þeim því að næst lá leið okkar á Nasa.
Við sáum seinasta lagið hjá Mugison, en tónleikarnir hans voru víst frábærir. Seinasta lagið var mjög gott...
Bandaríska hljómsveitin Ra Ra Riots spiluðu næst, og voru þau mjög góð. Virkilega flott hjá þeim.
Síðan voru það !!! sem spiluðu næst, en legi höfðum við beðið eftir þeim. Þetta voru mjög flottir tónleikar hjá þeim og söngvarinn var alveg á fullu útum allar trissur. Skemmtilegt já!
Síðan sat ég eftir á grindverkinu á Nasa og hlustaði á Mínus og Dr.Spock á meðan Hanna og Margrét töltu yfir á Iðnó og sáu einhverja danska hljómsveit að nafni Lali Puna (það varð einhver seinkun, þær ætluðu að fara að sjá Mammút).

Dagur 5:

Haldið var á Gaukinn, enn einusinni, til að sjá Bon Som. Í henni er Toggi samspilskennari að spila ásamt gamla tónfræðikennaranum mínu og 2 öðrum. Þetta var rosalega flott hjá þeim, og var þetta eina hljómsveitin sem ég sá sem var ekki sungið í. Góð tilbreyting.
Pikknikk stigu næst á svið og spiluðu mjög rólega og hugljúfa tóna.
Næst voru 2 hljómsveitir sem valdar voru til að spila í annað sinn á Airwaves. Það voru hljómsveitirnar Who Knew og Sudden Weather Change. Þær stóðu sig með eindæmum vel og er ekkert hægt að setja út á það.
Eftir þessar tvær hljómsveitir hlustuðum við örlítið á Ástralina í Cut off Your Hands (sem voru mjög góðir) en ákváðum síðan að tímabært væri að fara heim að sofa. Ég var alveg örmagna.

Þessir 5 dagar voru stórskemmtilegir og ég hef sjaldan skemmt mér eins vel. Ég fer án efa aftur að ári liðnu.


Takk í dag,

Björk.

Hlustaðu!

Sælt.

Í gær var fyrsta kvöld Iceland Airwaves '07 og einnig fyrsta kvöld eintómrar hamingju og skemmtunar þessa vikuna!

Við ákváðum að úr því að þetta væri fyrsta kvöldið af 5 kvöldum myndum við byrja þetta rólega og plönuðum að sjá allavega 4. hljómsveitir. Ég reyndar misskyldi tímasetningarnar á þessu eitthvað og misskyldi síðan Hönnu líka og talaði hana útúr því aðfara að sjá For a Minor Reflection á Grand Rokk en áttaði mig síðan á því þegar komið var á Nasa að við höfðum feiki nægan tíma.

En hvað um það við komum snemma og sáum því Elísu fyrst. Hún var ekki sem verst en það er eitthvað í lögunum hennar sem fer stundum í taugarnar á mér, þá aðallega textainnihald og það að sum lög skuli innihalda bæði íslenskan texta og enskann sem þýða ekki það sama... mér finnst það allavega, en það er mín skoðun.

Næst stigu á sviðið hinar ungu systur sem kalla sig Smoosh, frá Bandaríkjunum. Þó svo að þær séu einungis 15, 13 og 11 ára voru þær ótrúlegar. Góður söngur og píanóleikur hjá þeirri 15 ára, magnaður trommuleikur hjá þeirri 13 ára og ótrúlegir taktar hjá þeirri 11 ára, þó svo að hún hafi verið álíka á stærð og bassinn sem hún spilaði á. Vel af sér vikið!

Á eftir Smoosh spiluðu Soundspell, sem eru bara alltaf góðir, þó misgóðir. Í gær var hljóðið ekki alveg að klikka saman og líklegast var það hljóðkerfið eða sambandsleysi sem olli því, þar sem að strákarnir virtus vera að gera sitt besta. Siggi var allavega ekki sáttúr á píanóinu þar sem að það heyrðist ekkert í honum í byrjun. En þrátt fyrir það voru þeir góðir.

Lights on the Highway voru næstir á svið. Persónulega hef ég aldrei séð þá á sviði og lítið heyrt í þeim, en þeir voru algjör snilld! Þeir voru langbestir í gær. Þéttur hljómur hjá þeim, ásamt flottri röddun í söngnum og góðum gítarleik. Lights on the Highway eiga hrós skilið og ég verð að eigna mér plötu með þeim. Tær snilld!

Í lokinn spiluðu Shadow Parade. Mér finnst þeir mjög góðir og þeir skiluðu lögunum frá sér mjög vel í gær. Mér finnst samt maður þurfa að venjast lögunum þeirra, en þar sem að ég á diskinn sem þeir gáfu út í fyrra og hef hlustað á hann fram og til baka finnst mér þeir alltaf verða betri og betri. En Shadow Parade gerðu góða hluti í gær og hljómurinn í þeim var þéttur, ég skemmti mér mjög vel við að hlusta á þá.



Í kvöld heldur Barði svo til Hlínar og étið verður á sig gat, síðan skellum við okkur niður í bæ en við höfum ekki hugmynd hvað við ætlum að sjá í kvöld. Líkelgast verður tekin stefnan á Listasafn Reykjavíkur að hlusta á Grizzly Bear og á Organ til að hlusta á The Telephatetics, meira veit ég ekki.

Næstu daga verður semsagt lítið sofið, og ég er gjörsamlega að lognast útaf í þessum orðum. En ætli ég haldi ekki út í rigninguna að taka einhverjar myndir af borginni.

Takk í dag og gleðilega Airwaves hátíð.

Nú snýr óttinn aftur

Sælt.

Loksins, loksins! Ég er komin með ökuréttindi. Þ.e. þú gætir átt á hættu að vera keyrð/ur niður ef þú ert á gangi í nágrenninu. Vá hvað ég kann lítið á bíl...

Já í gær tók ég próf til ökuréttinda. Mér tókst að ljúka prófinu á tiltölulega heilum bíl (fyrir utan það að hann er að detta í sundur) og með 3 villur í kladdanum. Mér tókst að keyra það hratt framhjá 30 km/klst merki að ég sá það ekki og aka á hátt í 50 km/klst hraða í þeirri götu. Mér tókst einnig að keyra uppá kant og annað eins smávægilegt. Prófdómarinn sagði að ég "...keyrði eins og herforingi", en hvernig keyra herforingjar eiginlega?

Eins gott að prófdómarinn tók ekki eftir því að ég gleymdi að gefa stefnuljós tvisvar!

Næstu tvo daga er vetrarfrí. Þá daga ætla ég að nýta mér í allskyns hluti. Svo sem að

• prjóna.
• fara í klippingu.
• rúnta um Reykjavík.
• fara í Hafnafjörðinn og athuga hvort ólétta konan sé við.
• fara á MR ball, klædd sem sveppur (eða Súper Maríó, er ekki viss).
• sofa.

Já, segið svo að vetrarfrí séu bara til einskis!

Annars er þetta orðið ágætt. Þið ættuð bara að fara að hlusta á Múm! Jáh, bíddu... ég á samt eftir að heyra nýja diskinn þeirra. En lag dagsins er samt sem áður með þeim, bara af gamla disknum (Loksins erum við engin).

Lag dagsins:

Við erum með landakort af píanóinu - Múm

Takk í dag,

Björk.

Es. Þaðs styttist óðfluga í Airwaves!

Mindless

Sælt.

Það er ekki það að ég hafi ekki tíma til að hripa eitthvað niður á þessa blessuðu síðu. Nei, það er eitthvað allt annað. Leti? Eða er ég bara hætt að hugsa og læt tölvurnar stjórna mér? Þessi tölva er allavega alveg óstjórnlaus, hún endar á haugunum eftir nokkra mánuði!

...þetta er hugsunarleysi.

Ég heyrði þessa óborganlegu setningu hjá litlum grunnskólastrák þegar ég var að bíða eftir strætisvagninum um daginn:

"Ef ég væri með endalausa krafta, þá gæti ég lyft öllu í heiminum...!"

Núna er ég í raun að elda lasagna þó ég sé að hripa þetta niður í augnablikinu. Það er líka algengt að kvenkyns verur geti gert fleira en einn hlut í einu. Einnig er ég að hlusta á Elliott Smith. Ég var búin að gleyma hversu skemmtilegur tónlistamaður það er. Fer alltaf í gott skap við að hlusta á hann.

Lag dagsins:

Between the Bars - Elliott Smith

-Björk

Correct as an onion...?

Sælt.

Jáh best væri að blogga Björk. Það sem að ég sit hvort eð er við tölvuna og hef ekkert að gera. Kjáni.

Ég átti afmæli um daginn, sem fór kannski ekki framhjá mörgum. Já "kjéllan" eða stelpan eins og ég vil orða það er orðin 18 ára og sjálfráða. Já! Nógu gömul til að verzla tópak og kjósa...en hvað hef ég svosem að gera með það. Pólitík er ekki inná mínu áhugasviði og reykingar er bara tímabundin tízka sem erfitt er að venja sig af.

Á afmælisdeginum fórum við, 8 stelpur, saman út að borða á Rossopomodoro. Hafdís fékk þjóninn til að giska á hver átti hvaða mat og drykki og ég fékk margskonar afmælisgjafir. Síðan héldum við 4 heim til Arnars (vinar Gunnhildar), ruddumst inn með afmælisköku, blöðrur og söng! Enginn skyldi neitt í neinu en urðu svo forviða að þeir sungu bara með. Síðan var haldið á tebó og ég sýndi stolt mín eigin skilríki! Rosalega er maður orðinn stór!

Ég fór að velta fyrir mér hugtakinu, eða við skulum segja orðinu "lauk-rétt" eða er það "laukrétt"? Í hverju fellst merking þess? Satt bezt að segja ef ég ekki grænan grun.
















Skólinn gengur sinn vanagang. Á meðan fólk gefur mér listabækur og teiknikrítar í afmælisgjöf afkasta ég að horfa á 4 Futurama þætti í skólanum ásamt því að dotta í smá stund. Af einhverri óskiljanlegri ástæðu tókst tölvunördinu (ef kalla má) Björk að vera á undan öllum í áfanga sem hún botnar ekki upp né niður í og fá þessvegna að "leika sér í Photoshop" sem ég botna ennþá minna í. Ég held bara að ég sé eitthvað að ruglast...

Takk í dag.

-Ein rugluð.

Es. Airwaves nálgast óðfluga. Kemur þú með?